الفرق بين "Calibration" المعايرة و "Quality Control" محلول ضبط الجودة ؟
سؤال دائماً ما يتردد فى امتحان مزاولة المهنة بدولة الكويت كما ايضاً يتكرر فى مقابلات العمل بمهنة اختصاصى او فنى المختبرات الطبية وهو من اساسيات العمل بالمختبر لذلك سأحاول تبسيط الاجابة فى هذة التدوينة
المعايرة او "Calibration" :-
بعض الاختبارات الطبية المعملية تعتمد على المقارنة -بمعنى- ان يكون لدينا محلول معلوم القيمة للـ Test المراد قياسة -على سبيل المثال الجلوكوز-
يسمى المحلول المعلوم
القيمة ايييييييييييييه؟؟
ايوه تمام يسمى "محلول المعايرة اللى هو Calibration Solution" فى حاله الاجهزة الـ "Automated"
او
بيكون اسمه "المحلول القياسى Stander Solution" فى حال كان الجهاز "manual" او "semi
automated"
تمام كدة لغاية هنا ... طيب
لمعلوماتك فية بعض انواع الاختبارات او الـ tests بيكون لها اكتر من محلول معلوم القيمة مثال على ذلك مثلاً الـ D-Dimer فى اجهزة Roche له 6 محاليل معلومة القيمة او "Calibrator" "جهاز Cobas6000"
طيب ما هى طريقة عمل الـ Calibration ده ؟؟
ما يحدث على سبيل المثال فى المحاليل التى لها Calibrator واحد فقط يتم رسم قيمة الـ Absorbance للمحلول المعلوم اللى هو الـ Calibrator مقابل القيمة اللى بتكون الشركة عاملالها Update على الأجهزة بتاعتها *ده فى حال الاجهزة الـ Automated*
بعد ذلك نأخذ القيم المقابلة لقراءات العينات Absorbance من على المنحنى لعطاء التركيز المقابل ليها
- للتوضيح صورة رقم 1-
- للتوضيح صورة رقم 1-
 |
| صورة للتوضيح رقم 1 |
اتمنى يكون الشرح الى هذة النقطة واضح
دلوقتى السؤال طيب ليه بنستخدم اكتر من Calibrator طالما ان الـ curve يمكن رسمة بمحلول واحد ؟؟؟
دلوقتى السؤال طيب ليه بنستخدم اكتر من Calibrator طالما ان الـ curve يمكن رسمة بمحلول واحد ؟؟؟
اقولك انا - شوف الصورة القادمة - ↙👇
يبقى الخلاصة فى الـ Calibrator انه بيعمل ضبط للـ Test اللى هعمله بحيث انى استطيع ان اقارن النتايج اللى هتطلعلى من خلال المنحنى المرسوم عندى.
طيب السؤال هنا برضه هعرف اذاى اصلاً ان المنحنى اللى اترسم سليم او ان الـ Calibrator اللى استخدمته برضه سليم او لأ ؟؟؟؟
هنا بقى يجى دور الـ Control Solution اللى هو الكنترول
الكنترول عبارة عن محلول يشبه الـ Serum يكون فيه تقريباً معظم الـ Tests الموجوده فى الدم وعادة ما يكون فى صورة بودرة يتم حلّها بماء مقطر "افضلهم الخاص بتحضيرالحقن لأنه الاعلى نقاء" وعلى حسب الشركة المصنعة -بمعنى- فية شركات فيها 3 كنترول "Low - Normal - High" او ممكن يكون "Normal - High" فقط وده علشان يقيس الاختبار مظبوطة ولا لأ فى جميع حالاته سواء كان طبيعى او مرتفع او فيه انخفاض
كل كنترول بيكون له Range معين فى كل مستوى من المستويات الثلاثه والمفروض طبعاً النتايج لا تتخطى الـ Range ده كل ده علشان تتاكد ان تماماً ان الـ Calibration اللى عملة سليم او لأ وبيعطى قراءات مضبوطه او لأ.
لو فيه اى خطأ او تعديل او اضافة يا اهلاً وسهلاً بيها فى الكومنتات
"سُبْحَانَكَ اللَّهُمَّ وبَحَمْدكَ أشْهدُ أنْ لا إلهَ إلا أنْتَ أَسْتَغْفِرُكَ وأتُوبُ إِلَيْكَ"
احمد جابر عبد العزيز محمد
اخصائى مختبرات طبية
وضبط جودة